Wedi’i sefydlu yn 2018, mae Distyllfa Llanfairpwll yn gwmni gwirodydd crefft arobryn wedi ei leoli yn Gaerwen, Ynys Môn.
Mae eu hystod o wirodydd crefft distylliedig premiwm yn defnyddio cymaint o gynhwysion lleol â phosibl, o’r mintys a’r rhosmari yn y gin sych i’r mwyar duon ffres yn y gin mwyar duon.
Roedd Distyllfa Llanfairpwll eisiau lleihau eu gwastraff drwy ddefnyddio cyd-gynnyrch o’u rwm. Gyda chyllid Prosiect Helix yn cael ei ddarparu gan Lywodraeth Cymru, buont yn gweithio gyda’r Ganolfan Technoleg Bwyd i ddatblygu eu cynllun HACCP fel y gallent werthu’r hylif sy’n weddill o’u distyllu rwm, sy’n llawn maetholion, fel bwyd anifeiliaid i ffermwyr lleol a chynhyrchwyr bwyd.
Manteision y cymorth
O ganlyniad i gyllid Prosiect HELIX, mae Distyllfa Llanfairpwll wedi gallu cyflenwi cynhyrchwyr cig lleol, Eryri Wagyu, â bwyd i’w gwartheg.
Dywedodd Sioned Pritchard, perchennog a sylfaenydd Eryri Wagyu ,“Yn Eryri Wagyu, rydym bob amser yn chwilio am ffyrdd o wella ansawdd ein cig eidion wrth gefnogi cynaliadwyedd ac arloesedd. Mae’r cyfle i ymgorffori’r cyd-gynnyrch cwrw o ddistylliad rym Llanfairpwll ym mhorthiant ein gwartheg wedi bod yn dipyn o newid i ni. Mae’r cydweithio hwn nid yn unig wedi bod o fudd i’n gwartheg a’n busnes ond mae hefyd yn cefnogi’r gymuned ehangach drwy helpu i leihau gwastraff a hybu arferion cynaliadwy.”
Helpodd y Ganolfan Technoleg Bwyd ni i ddatblygu cynllun HACCP a gweithdrefnau cysylltiedig eraill ar gyfer y cyd-gynnyrch a oedd yn caniatáu i ni gofrestru fel gweithredwr busnes bwyd anifeiliaid. Roedd y gofynion o ran bwyd anifeiliaid yn newydd i mi felly roedd cael cefnogaeth a gwybodaeth gan y Ganolfan Technoleg Bwyd yn amhrisiadwy i ni.
"Fe wnaethant hefyd ddarparu cymorth gyda dadansoddiad maethol o'r cynnyrch fel y gallai'r ffermwyr sicrhau bod eu da byw yn cael diet cytbwys. Mae’r gwaith hwn wedi ein galluogi i gynhyrchu ein rym heb unrhyw wastraff, sy’n helpu i leihau llygredd a chadw adnoddau wrth arbed arian i’r ffermwr a ninnau.”